Dy doganierë janë vënë në pranga në Shkodër, pasi akuzohen për shpërdorim detyre. Arrestimet janë bërë mbrëmjen e djeshme. Me pranga bashkë me ta është vënë edhe një biznesmen nga Shkodra.
Të arrestuarit janë, Altin Okaj, Gazment Kruja e Arlind Mitku.
Mbrëmjen e djeshme në orën 18:40, në Muriqan, Gazment Kruja e Arlind Mitku, me detyrë doganier e përgjegjës turni, kanë lejuar të kalojë pa ju nënshtruar procedurave doganore, Altin Okaj, me mjetin tip “Ford Galaxy”, me targë AA781MO, me 650 kg. sheqer e 135 kg. kikirikë, kontrabandë.
