Një aksident i rëndë ka ndodhur gjatë natës në Urën e Tapizës në Fushë-Krujë, ku për pasojë kanë mbetur të plagosur tre persona.
Mësohet se një automjet tip “Benz” është përplasur me bordurën, e për pasojë ai ka përfunduar në bregun e lumit.
Burime nga vendi i ngjarjes bëjnë me dije se të plagosurit janë transportuar me urgjencë në spitalin e Traumës në kryeqytet, për të marrë mjekim të specializuar.
Policia ka nisur hetimet për zbardhjen e plotë të rrethanave të aksidentit.