Një 18-vjeçar shqiptar është arrestuar nga policia greke në Patra teksa transportonte gjysmë kilogram lëndë narkotike kanabis sativa.
Shqiptari u kap në momentin kur po takonte një klient për t’i dhënë drogën.
Policia kishte marrë informacione për rastin e shit/blerjes së kanabisit dhe po mbante nën vëzhgim të riun shqiptar.
Uniformat blu pritën deri sa shqiptari doli nga banesa e klientit që i kishte shitur hashashin dhe e arrestoi në flagrancë.
Policia sekuestroi edhe një sasi parash prej 1230 Euro, të përfituara nga aktiviteti i drogës. Në pranga ra gjithashtu edhe blerësi i lëndës narkotike.
