Shërbimet e Komisariatit të Vaut të Dejës, gjatë kontrolleve të ushtruara në fshatin Karmë të Shqipërisë, në vendin e quajtur “pylli poshtë Fronterës së dheut”, kanë gjetur dhe asgjësuar 46 bimë narkotike të llojit Cannabis Sativa, të kultivuara në një parcelë me gjatësi 30-40 cm.
Sipas Policisë, për këtë rast u arrestua në flagrancë shtetasi P. M., 51 vjeç, banues në fshatin Naraç, Vau i Dejës, i dyshuar për veprën penale “Kultivimi i bimëve narkotike”. “Gjithashtu ndiqen në gjendje të lirë shtetasit A. N., banues në fshatin Karmë, me detyrë Kryeplak i fshatit Karmë, për veprën penale të “Moskallëzim i krimit”. P.P., 38 vjeç, banues në Vau i Dejës, me detyrë Inspektor i Shërbimit Pyjor, në Bashkinë Vau i Dejës, për veprën penale të “Moskallëzim i krimit” e parashikuar nga neni 300 i Kodit Penal”, thuhet në njoftimin e Policisë.
