Policia e Tropojës ka vënë në pranga një 50-vjeçar pasi në shtëpinë e tij i është gjetur drogë.
Arrestimi i Ded Dakramaj u bë pasi gjatë kontrollit të ushtruar në banesën e tij, policia gjeti dhe sekuestroi në cilësinë e provës materiale 4.5 kg lëndë narkotike e llojit Cannabis Sativa, një armë zjarri automatik, një krëhër automatiku me 29 copë fishekë, si dhe një pistoletë tip Zastava.
Po ashtu, është proceduar në gjendje të lirë K.D., 20 vjeçe për veprën penale "Veprime që pengojnë zbulimin e së vërtetës".
Materialet i kaluan për veprime të mëtejshme Prokurorisë së Rrethit Gjyqësor Tropojë, për veprat penale “Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe municionit”, dhe “Veprime që pengojnë zbulimin e së vërtetës”.