Një 60-vjeçar u ekzekutua me armë zjarri sonte në fshatin Rrukaj të Matit. Viktima është Hajredin Lleshi, i cili u qëllua me breshëri automatiku kur po hynte në shtëpi.
Autorët u larguan në drejtim të paditur pas ngjarjes. Dyshohet se vrasja mund të jetë bërë për hakmarrje.
Disa vite më parë, viktimës i kanë vrarë edhe vëllain.
Policia ka nisur hetimet për këtë ngjarje të rëndë, për të zbardhur shkaqet dhe për të identifikuar e kapur autorët.