10 nga 21 personat e arrestuar me kërkesë të Prokurorisë dy muaj më parë si të përfshirë në trafikun e 10.2 tonëve drogë nga Durrësi me kamion drejt Italisë janë lënë të lirë ditën e sotme nga Gjykata e Apelit të Krimeve të Rënda.
Ndërkohë në qeli kanë mbetur vetëm 5, pasi pjesa tjetër e të arrestuarve kanë përfituar ndryshim të masë së sigurisë, nga arrest me burg në arrest shtëpie me mbikëqyrje elektronike.
Mes personave të cilët janë liruar gjatë ditës së sotme, janë agjentë doganorë, punonjës të doganës dhe efektivë të policisë me detyrën e kontrollorëve.
Rreth dy muaj më parë janë arrestuar, doganierët e pikës kufitare të Qafë-Thanës dhe Durrësit, së bashkua me kreun e policisë kufitare në portin e Durrësit.