Zbardhen detaje nga vdekja e 19-vjeçares që dyshohet se është hedhur nga kati i 8-të i pallatit ku banonte prej dy vjet e gjysmë me qira.
Burime nga policia thanë se viktima është identifikuar si Safete Bega, 19 vjeçe dhe është nga fshati Perondi i Beratit, ndërkohë që bashkëjetuesi i saj quhet Artur Çala, 33 vjeç dhe është nga Topoja e Fierit.
Po këto burime pohuan se çifti ishte problematik dhe me precedentë penale për vjedhje. Policia po punon për gjetjen e motivit te hedhjes nga pallati të vajzës së re, nëse ajo është hedhur vetë apo e kanë shtyrë për tu hedhur.
Deri më tani është mësuar se në momentin kur ajo është hedhur nga pallati, ka qenë në gjendje të rëndë psikologjike.
