Dje rreth orës 15:30 ka ndodhur një aksident në Stanet e Pobergjës në Deçan, nga i cili kanë mbetur të vdekur dy persona.
Policia njofton se aksidenti ka ndodhur si pasojë e pakujdesisë, duke shkaktuar vet-aksident, përcjell Bota sot.
Në këtë aksident ka humbur jetën 43 vjeçari Gëzim Nitaj dhe vajza e tij 16 vjeçare.
“Vozitësi mashkull K/Shqiptar derisa ishte duke drejtuar veturën, dyshohet nga pakujdesia ka shkaktuar vet-aksident trafiku. Si pasojë e aksidentit, ka vdekur një mashkull K/Shqiptar dhe një femër K/Shqiptare e moshës së mitur, kurse vozitësi me dy pasagjeret femra K/Shqiptare gjendën në spitalin e Pejës, ndërsa pasagjeri mashkull K/Shqiptar është transferuar në QKUK për tretman mjekësor. Me vendim të prokurorit, trupi i pajetë i viktimës mashkull u është liruar familjarëve, ndërsa trupi i pajetë i viktimës femër është dërguar në IML për obduksion. Njësitet përkatëse policore janë duke hetuar rastin”, thuhet në raportin e policisë./BS/
LEXO EDHE:
Policia konfirmon aksidentin tragjik në bjeshkët e Deçanit, humbën jetën dy persona
Ky është një nga viktimat e aksidentit në bjeshkët e Deçanit