Një 20-vjeçar është arrestuar në flagrancë nga policia e Bulqizës, pasi akuzohet për vjedhje.
Bëhet e ditur se në pranga ka përfunduar shtetasi Kastriot Troca, banues në Njësinë Administrative Shupenzë. Sipas policisë, i riu akuzohet për vjedhjen e dy baterive makinash.
“Ky shtetas në orët e para të mëngjesit të datës 15.10.2017, në një pikë karburanti në pronësi të shtetasit me inicialet E. S., ka vjedhur 2 (dy) bateri makinash”.
Në cilësinë e provës materiale janë gjetur dhe sekuestruar 2 bateritë e vjedhura, dhe mjeti tip “Mercedes Benz”, në pronësi të K. Trocës.
Mësohet se materialet në ngarkim të të arrestuarit i kaluan Prokurorisë Rrethit Gjyqësor Dibër për veprën penale “Vjedhje”.
