Policia e Kosovës ka njoftuar se ka arrestuar një person dje në Prishtinë, pasi që i njëjti i dehur ka sulmuar gruan e tij.
Sipas njoftimit të PK-së, viktima ka pësuar lëndime trupore dhe ka kërkuar ndihmë mjekësore, përcjell Bota sot.
“Është arrestuar i dyshuari mashkull K/Shqiptar pasi që i njëjti nën ndikim të alkoolit, ka sulmuar fizikisht bashkëshorten e tij. Viktima ka pësuar lëndim trupore dhe ka kërkuar ndihmë mjekësore, ndërsa i dyshuari pas intervistimit me vendim të prokurorit është dërguar në mbajtje”, ka thënë Policia./BS
