Policia e Kosovës ka dhënë detaje për aksidentin në Krushë të Vogël, në të cilin vdiqën dy persona nga Komuna e Rahovecit.
Viktimat e aksidentit Gazmend Gashi dhe Samir Elshani, dytë nga fshati Nagavc i Rahovecit, ndërruan jetë pas aksidentit mes një kamioni dhe një automjeti udhëtarësh, përcjell Bota sot.
Policia ka njoftuar se për këtë rast, ka arrestuar një person, derisa trupat e pajetë janë dërguar në Institutin e Mjekësisë Ligjore për obduksion.
“Fshati Krushë, Prizren 10.12.2017-03:55. Ka ndodhur aksident trafiku në mes të një kamioni dhe një automjeti udhëtarësh, ku si pasojë lëndime vdekjeprurëse kanë pësuar dy meshkuj K/Shqiptarë. Njësitë relevante kanë dalë në vend të ngjarjes dhe nga ekipi mjekësor është konstatuar se viktimat nuk kanë shenja jete. Me vendim të prokurorit një i dyshuar mashkull K/Shqiptar është dërguar në mbajtje, ndërsa trupat e pajetë janë dërguar në Institutin e Mjekësisë Ligjore për obduksion”, thuhet në njoftimin e Policisë.
Ndërkohë, policia ka gjetur një pistoletë në veturën, e cila u përfshi në aksidentin e trafikut dje në Krushë të Vogël të Prizrenit./BS
