Si nisi njohja e dy të rinjve që përfundoi sot në vrasje, djali i kërkoi dorën edhe në shtëpi - Bota Sot
Si nisi njohja e dy të rinjve që përfundoi sot në vrasje, djali i kërkoi dorën edhe në shtëpi

Kronikë e zezë

E diel, 27 maj 2018

Si nisi njohja e dy të rinjve që përfundoi sot në vrasje, djali i kërkoi dorën edhe në shtëpi

Më: 21 janar 2018 Në ora: 17:52
Çifti

Një krim pasioni tronditi kryeqytetin këtë të dielë, ku një 23 vjeçar qëlloi me armë zjarri dhe e la të vdekur vajzën që dashuronte, 21 vjeçe.

Ngjarja ndodhi pak para orës 15:00 pranë Fakultetit të Mjekësisë. Djali ka qëlluar edhe veten po me armën e zjarrit dhe ndodhet në reanimacion në gjendje të rëndë.

Sipas policisë, paraprakisht dyshohet se shkak për ngjarjen e rëndë ishte kërkesa për lidhje, e refuzuar nga vajza.

Burimet thanë se Aldison Belulaj, dhe Ariela Murati, ishin nga fshati Zharrëz i Fierit, dhe të dy kishin mbaruar studimet në gjimnazin ‘Sotir Kapo’.

Mësohet se që prej kohës se gjimnazit, djali kishte ndjerë për vajzën të cilën e kishte ndjekur edhe në Tiranë. Në historinë e tyre kishin ndërhyrë edhe familjarët e vajzës të cilët i kishin kërkuar 23 vjeçarit që të mos e ngacmonte më vajzën e tyre, pasi ishte kthyer i bezdisshëm.

Djali madje i kishte vajtur edhe në shtëpi vajzës, por familja e saj nuk ka qenë dakord dhe i kanë kërkuar të heqë dorë nga kjo kërkesë. Edhe vajza e ka refuzuar në vijimësi, por i riu nuk ishte bindur për këtë gjë, raporton korrespondentja e Panorama, Majlinda Rama.

Belulaj njihej si djalë i urtë dhe jo problematik, e së fundmi kishte nisur edhe punë si infermier, ndërsa vajza ishte studente ekselente në Fakultetin e Drejtësisë në Tiranë dhe jetonte në shtëpi me qira.

Të dy të rinjtë kanë qenë nxënës shumë të mirë në shkollë.

Komentet
comments powered by Disqus
Sot mund të lexoni Shfletoni kopertinat
Sondazh
test