Policia e Fierit ka arrestuar në flagrancë tre persona dhe ka sekuestruar një sasi prej rreth 30 kg drogë.
Ndalimi i tyre është bërë në Roskovec, teksa po tentohej të kryhej shitja e lëndës narkotike.
Nga hetimi një javor i policisë dhe prokurorisë së Fierit, me anë të hetimeve speciale janë siguruar prova që implikojnë tre të ndaluarit në prodhimin dhe shitjen e narkotikeve.
Pasi ndaj të dyshuarve janë siguruar prova të mjaftueshme, prokurori i çështjes Petrit Vuka ka kërkuar ndalimin e tyre.
Mësohet se tre të ndaluarit janë Gazmend Saliaj e Shaban Saliaj nga Ngraçani i Mallakastrës dhe Klodian Ymeraj nga fshati Drenovë po i Mallakastrës.
Mësohet se nga hetimet është konkluduar se tre të ndaluarit u thoshin blerësve se mund të siguronin hashash sa të donin.