Njëri nga dy personat e aksidentuar me motoçikletë në Osek Pashë të Gjakovës ka vdekur para gjysmë ore.
Zëdhënësja e Policisë Rajonale të Gjakovës, Lirije Podrimaj, ka konfirmuar se pasagjeri i cili ishte lënduar në aksident ka vdekur para 30 minutave.
Kallxo merr vesh se në këtë aksident ishin lënduar F.V, i datëlindjes 1996, dhe E.B., i lindur mër 1998.
Një i afërm i E.B. ka njoftuar në rrjetet sociale për vdekjen e këtij të fundit.
Sipas Policisë, aksidenti ka ndodhur mbrëmë rreth orës 19:00 në fshatin Osek Pashë të Gjakovës.
Policia dyshon se drejtuesi i motoçikletës ka humbur aksidentalisht kontrollin mbi mjetin dhe ka dalë jashtë rrugës.
