Babai i Almirit kërkon burg të përjetshëm për personin që ia shkeli djalin me kerr - Bota Sot
Babai i Almirit kërkon burg të përjetshëm për personin që ia shkeli djalin me kerr

Kumanova

E enjte, 30 mars 2017

Babai i Almirit kërkon burg të përjetshëm për personin që ia shkeli djalin me kerr

Më: 15 shkurt 2017 Në ora: 09:20
Almir Aliu

Të mërkurën do të fillojë procesi gjyqësor për rastin e Almir Aliut i cili vdiq si pasojë e shtypjes me makinë nga Boban Iliq, pas një zënke banale midis tij dhe familjarëve të vogëlushit të ndjerë.

Ndonëse seanca është caktuar, mbrojtja ende nuk ka pranuar analizën neuro-psikiatrike, të cilën e kishte kërkuar pas pretendimeve se i akuzuari për vrasje nuk ishte në gjendje normale psikike gjatë kryerjes së aktit.

Babai i 4 vjeçarit u ka bërë thirrje autoriteteve që vrasësi i djalit të tij të marrë dënimin maksimal, burg të përjetshëm.

“Në qoftë se merret ndonjë vendim, dënim me vite atëherë edhe ato vite kalojnë shumë shpejtë dhe se ai përsëri do del nga burgu dhe se rasti që ma ka ndodhur mua mund ti ndodhë ndokujt tjetër, mund ti shtyp 1, 2, 3 fëmijë e kështu me radhë, për atë ne presim që ai të dënohet me burg të përjetshëm, e mos të jetë i lirë, mos ti ndodhë ndokujt tjetër pa marrë parasysh a është shqiptar apo maqedonas”, deklaroi Sedat Aliu, babai i Almir Aliut.

Seancës gjyqësore do ti paraprijë një protestë, e organizuar nga OJQ “ Zani “ nga Kumanova.

Kjo organizatë i ka bërë thirrje të gjithë qytetarëve nga Kumanova dhe jo vetëm që të protestojnë përpara Gjykatës Themelore. Almir Aliu humbi jetën si pasojë e shtypjes me makinë nga Boban Iliq natën e 25 qershorit të vitit të kaluar. Në seancën e 15 shkurtit, përveç të akuzuarit për vrasje Boban Iliq, para trupit gjykues do të dalin edhe 3 të akuzuarit për dhunë, përfshi këtu edhe babain e Almirit, Sedat Aliun.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh A duhet të shkoj vendi në zgjedhje të parakohshme?

    Po, sepse ka përçarje në koalicionin aktual

    Po, sepse kjo qeveri ka përfunduar misionin e saj

    Jo, pa i zgjidhur çështjet si Demarkacioni, Asociacioni, Ushtria e Gjykata Speciale

    Jo sepse, kjo qeveri duhet ta përfundoj mandatin e përcaktuar me ligj

    Shiko rezultatet
    test