Një imam i quajtur Abu Rumaisa, gjatë një ligjërate të tij u ka bërë thirrje të gjithë shqiptarëve që frekuentojnë xhaminë e tij, që të hedhin në kosh flamurin kombëtar.
Në një video që po qarkullon në rrjetet sociale, Rumaisa, i cili shërben në xhaminë e Braunschweig në Gjermani, flet me urrejtje dhe përçmim ndaj flamurit shqiptar.
I gjithë diskutimi nisi pasi dikush e kishte pyetur imamin se nëse mund të mbante flamurin shqiptar që ia kishte dhuruar një shqiptar.
“Hidhe në kosh”, u përgjigj menjëherë imami Abu Rumaisa duke shtuar se ky flamur përfaqëson qafirat dhe jo myslimanet dhe është kundër islamit.
