Presidenti i Shqipërisë, Bujar Nishani tha se shqiptarët nuk duhet harruar të kaluarën, vuajtjet, sakrificën dhe historinë.
Heroi kombëtar Isa Boletini sipas tij ka vlerë shumë të madhe në historinë e shqiptarëve.
“Isa Boletini ishte jo vetëm krahu i djathtë i Ismail Qemalit por ishte garancia e etërve të kombit dhe ishte garancia sepse pas Isa Boletinit qëndronte Kosova”, tha Nishani në Zona B të Klan Kosovës.
Përshtypje Nishanit i la edhe data e rivarrimit të eshtrave të heroit.
Sipas tij rivarrimi i Isa Boletinit më 10 qershor ka rëndësi të madhe edhe për faktin se në këtë datë filloi edhe çlirimi i Kosovës.
'Pas tij qëndronte Kosova, historia e kryengritjeve të saj, gatishmëria për t’i dalë Zot kombit”, tha ai.
