Shkëmb Manaj përmes një postimi në Facebook ka përkujtuar babain e tij njërin nga bashkëpunëtorët e afërt të Presidentit historik të Kosovës dr. Ibrahim Rugova, avokatit Shaban Manaj në përvjetorin e 16-të të vrasjes së tij.
Shkëmb Manaj ka shkruar se 16 vite nga dështimi i organeve të drejtësisë vendore dhe ndërkombëtare të instaluar në Kosovë, për të zbardhur këtë vrasje makabre me motive politike.
“Babë,
Sot u mbushën 16 vite, kur kriminelët ordinerë e kryen me përpikmeri urdhërin nga lartë, duke te të rrëmbyer në pabesi dhe vrarë mizorisht.
16 vite nga dështimi i organeve të drejtësisë vendore dhe ndërkombetare të instaluar në Kosovë, për të zbardhur këtë vrasje makabre me motive politike.
16 vite nderim dhe respekt nga populli dhe institucionet e Republikës së Kosovës dhe Republikës së Shqipërisë.
Tani se fundmi je shpallur, Hero i Kosovës nga Presidentja e Republikës së Kosovës.
Prandaj,
pusho i qetë babë në dheun e Kosovës, si Hero i Saj.
Ne jemi krenar me Ty”, ka shkruar Manaj në Facebook./BS
