Presidenti i Kosovës, Hashim Thaçi ka marrë me pikëllim lajmin për vdekjen e aktivistit të komunitetit shqiptar, Ahmet Zherka i cili ka ndërruar jetë në New York.
Presidenti Thaçi ka thënë se përkushtimi i Ahmet Zherkës për çështjen shqiptare ka ndihmuar shumë në sensibilizimin e tërë botës demokratike.
“Me pikëllim mora lajmin për vdekjen e veprimtarit të shquar të çështjes kombëtare në Shtetet e Bashkuara të Amerikës, Ahmet Zherka.
Përkushtimi i tij për çështjen shqiptare ka ndihmuar shumë në sensibilizimin e tërë botës demokratike.
Ai dha kontribut të madh edhe për çlirimin e Kosovës. Do ta kujtojmë gjithnjë me respekt të thellë! ”, thuhet në telegramin e ngushëllimit të Thaçit./BS
