Të paktën 74 gazetarë dhe punonjës të tjerë të medias janë vrarë në mbarë botën në vitin 2016, shumica e të cilëve 53 persona janë vrarë si pasojë e sulmeve të shënjestruara, publikoi sot organizata joqeveritare “Reporterët pa Kufij (RSF)” në pjesën e dytë të raportit të saj vjetor.
“Afganistani, Jemeni dhe Somalia janë vendet ku siguria dhe liria e medias janë rrezikuar veçanërisht në vitin 2016”, deklaroi kreu i degës gjermane të RSF-së, Christian Mir.
“Afganistani është një shembull klasik, edhe pse Gjermania nuk dëshiron ta dëgjojë, sepse gjithmonë është përpjekur ta portretizojë si të sigurt”, tha drejtori i RSF për Gjermaninë.
“Këtë vit numri i kërkesave emergjente nga gazetarët në Afganistan, të cilët kthyen vështrimin nga ne për të kërkuar ndihmë, u rrit ndjeshëm në krahasim me vitin e kaluar kur shteti nuk kishte kontroll në shumë rajone dhe kryekomandantët rajonale ishin në krye”, shtoi Mir.
Pjesa e mbetur e 21 gazetarëve vdiqën ndërsa punonin në zonat e luftës, ku pesë prej totalit të viktimave ishin femra.
Vendet më të rrezikshme ishin Siria, Afganistani, Meksika, Iraku dhe Jemeni.
Numri i vitit 2016 ishte më i ulët se totali i vitit të kaluar prej 101 gazetarëve, duke qenë se shumica e gazetarëve u larguan nga vendet ku ata ishin në rrezik.
Sipas RSF-së gjithashtu një total prej 348 gazetarë janë arrestuar në të gjithë botën, një rritje prej gjashtë për qind nga viti i kaluar.
