Ka filluar të qarkullojë në internet një video, në të cilin shihet një polic izraelit duke rrahur grushta e shkelma një palestinez që po qëndronte pranë kamionit të tij.
Ngjarja raportohet të ketë ndodhur në pjesën lindore të Jerusalemit, ku shihet një polic duke grushtuar dhe shkelmuar shoferin e një kamioni për të cilit raportohet të jetë i moshës 50-vjeçe.
Dhe derisa polici ushtron dhunë ndaj shoferit palestinez, disa burra afrohen pranë tyre duke u munduar ta qetësojnë situatën, por edhe ata e pësojnë nga polici i cili i godet edhe ata.
Lidhur me publikimin e kësaj videoja kanë reaguar autoritetet e policisë izraelite, të cilët e kanë cilësuar rastin si “turpërues” për policinë izraelite.
