Presidenti i Kosovës, Hashim Thaçi ka shprehur ngushëllime familjes Dragaj me rastin e vdekjes së ish- luftëtarit Shaban Dragaj.
Thaçi përmes një statusi në Facebook, ka shkruar se ka qenë i pikëlluar pas lajmit për ndarjen nga jeta të bashkëluftëtarit Shaban Dragaj.
Ai e ka quajtur Dragajn guximtar e shpirt luftarak.
Postimi i plotë:
Me pikëllim e mora lajmin për ndarjen nga jeta të bashkëluftëtarit Shaban Dragaj.
Me përvojën, guximin dhe shpirtin e tij luftarak, Shabani ishte gjithmonë frymëzim për shumë djem e vajza që i bashkoheshin luftës sonë çlirimtare.
Ngushëllime familjes Dragaj dhe të gjithë miqve e familjarëve të tij!
