Deputeti në largim, Pal Lekaj, ka shprehur ngushëllime për vdekjen e deputetit të Parlamentit të Shqipërisë, Gjovalin Kadelli.
Përmes një shkrimi në Facebook, Lejkaj, ka vlerësuar lartë angazhimin e Kadellit për bashkëpunimin ndër shqiptarë.
Më poshtë është postimi i plotë i tij.
“Lajmi për vdekjen e kolegut, deputetit të Parlamentit të Shqipërisë, Gjovalin Kadelli na ka shokuar.
E kam takuar shpesh edhe si mik por edhe si kolegë dhe në çdo rast është interesuar dhe angazhuar për rritjen e bashkëpunimit ndër shqiptarë. Do të bënim edhe shumë punë të mira bashkë për vendet tona, por ia që vdekja nuk të pyet dhe e mori.
I shprehë ngushëllimet e mia familjes Kadelli, bashkëpunëtorëve të tij dhe të gjithë atyre që e njohën” shkruan Pal Lekaj.