Për historianin Oliver Jens Schmitt numri tre i fashistëve është udhëheqësi rumun Corneliu Zelea Codreanu (1899–1938), kuptohet pas Adolf Hitlerit dhe Benito Musolinit. Ai për median zvicerane “Basler Zeitung” ka theksuar bile se ndikimi te popullata e liderit rumun ka qenë më e suksesshme sesa e Hitlerit dhe Musolinit dhe ka qenë “fashisti më i pashëm i kohës”.
Por në pyetjen e gazetarit sesi e shikon rrezikun demokratik të vendeve të Europës lindore, pikërisht atë pjesë që ai e studion më tepër, Schmitt shprehet:
“Më të rrezikuara momentalisht janë Polonia dhe Hungaria. Por nuk duhet ta nxjerim Ballkanin jashtë Europës: Shqipëria, Maqedonia, Serbia - kanë modele të udhëheqësit autoritar, ku nacionalizmi përdoret si resurs, mediat dhe drejtësia janë në presione të mëdha dhe këta nga perëndimi blehen si stabilizues dhe ndihmë për valën e refugjatëve. Thuajse e gjithë Ballkani është në këtë rrugë,” përcjell botasot.info.
Në pyetjen konkrete se për cilin udhëheqës mendonte, ai përgjigjet:
“Merreni presidentin serb Aleksandar Vucic. Ai gjatë viteve 90-të ishte urrejtësi më i ndyrë nacionalist dhe megjithatë ia doli që të paraqitet si stabilizator pro-perëndimor nga shumica e mediave perëndimore.”/Bota sot