Kryeparlamentari Kadri Veseli ka thënë se drejtësia ndërkombëtare, ndonëse me vonesë, konfirmoi sot për gjenocidin që Serbia kreu në Bosnje.
Ai në një postim në Facebook ka shkruar se vuajtjet e tmerrshme që ka përjetuar populli në Bosnje nuk shërohen kurrë, porsipas tij dënimi me burg të përjetshëm i Ratko Mladiq është ngushëllimi që kanë merituar për vite me radhë familjet e mijëra civilëve të pafajshëm që u masakruan.
“Evropa nuk mund t’i jetësojë idealet e veta për bashkim, liri e barazi mes popujve, pa e vendosur në vend drejtësinë. Dhe, kjo vlen edhe për krimet që i janë bërë popullit tonë gjatë luftës së fundit në Kosovë”, ka shkruar ai.