Ish imami i Bashkësisë Islame të Kosovës, aktualisht i emëruar si Ambasador i Republikës së Kosovës në Riad, Rexhep Boja ka deklaruar poashtu pasurinë e tij në Agjencionin Kundër Korrupsionit.
Në bazë të deklarimeve të tij, me një pasuri në vlerën mbi 715 mijë euro, ai hynë në grupin e njerëzve më të pasur në Kosovë.
Në kuadër të kësaj pasurie, ambasadori Boja ka deklaruar se ka tokë, lokale, shtëpi dhe dy banesa, njëra nga to kap vlerën rreth 320 mijë euro.
Ndër të tjera ai ka siguruar mjaftë mirë të ardhmen e tij, duke siguruar kështu edhe afro 200 mijë euro të gatshme në bankë.
Derisa të hyrat e tij vjetore janë mbi 47 mijë euro, ai merr edhe pension të bashkëshortes 900 euro./Bota sot