Kim Kardashian mund ta ketë “thyer internetin” me fotografitë tronditëse të trupit të saj të zhveshur të lyer me vaj. Mirëpo afërsisht njëqind vjet më parë, një poster i ngjashëm shkaktoi mahnitje tek europianët, por edhe një skandal që u përhap në të gjithë botën.
Sarah “Saartije” Baartman vinte nga Koisanët, një komunitet indigjen në atë që sot njihet si Kepi Lindor, në pjesët e largëta rurale të Afrikës së Jugut. Koisanët, që zakonisht njihen edhe si Bushmenët ose Hotentotët, ishin banorët vendas të Afrikës jugore, të cilët u kolonizuan nga Europianët dhe nga tributë afrikane Nguni, të cilat erdhën nga Afrika lindore dhe qendrore.
Ajo që i bënte ata të dallueshëm fizikisht ishin të pasmet e theksuara dhe sytë aziatikë. Ky ishte një nga dallimet kryesore fizike që i bënte europianët të ndryshëm nga afrikanët e jugut, që kategorizoheshin, mbi këtë bazë, si më primitivë dhe më pak të zhvilluar.
Vendlindja e Baartman ishte shkatërruar nga një seri luftërash, shpesh edhe midis fiseve lokale afrikane, ndërsa në raste të tjera, ato përfshinin edhe aventura të bardhësh nga Kejp Tauni. Burri dhe babai i saj u vranë gjatë luftës. Pak dihet për këtë periudhë të jetës së saj, por më vonë ajo përfundoi duke punuar si shërbyese, ose sllave për një familje në Kejp Taun.