E kishit menduar ndonjëherë? Buzëkuq në vend të korrektorit që mbulon rrathët e syve. Por me një kusht: Duhet të jetë i kuq ose rozë!
Shumë grimerë që shfaqin truket e tyre në Youtube, kanë nisur ta bëjnë gjithmonë e më popullore këtë ide. Qëndron e gjitha tek një logjikë e thjeshtë:
Rrathët poshtë syve kanë përgjithësisht ngjyrë të kaltër apo vjollce, të dyja ngjyra të ftohta. Mënyra për ta neutralizuar një ngjyrë të ftohtë, është duke e mbuluar me një ngjyrë ‘të ngrohtë’, si roza apo e kuqja.
Edhe portokallia bën punë, megjithatë ajo nuk ka të njëjtën denduri pigmenti.
Duhet thënë se ka pak vështirësi në mbulimin e ngjyrës së fortë të buzëkuqit me pudër, megjithatë me pak përvojë mund të mësojmë t’a aplikojmë këtë metodë si ekspertët!
A nuk ia kemi marrë dorën edhe konturimit, që në fillim na dukej aq i vështirë?
Hidhini një sy videos tutoriale:
