Funerali madhështor i bosit të mafies - Bota Sot
Funerali madhështor i bosit të mafies

Life style

E martë, 30 gusht 2016

Funerali madhështor i bosit të mafies

Më: 9 tetor 2012 Në ora: 16:04

Charlie Richardson, i konsideruar gjerësisht si bosi më i madh i mafias britanike, u përcoll të hënën për në banesën e tij të fundit në një funeral madhështor.

Pavarësisht vuajtjeve të shumta që i shkaktoi shumë njerëzve me aktivitetin e tij kriminal, të nisur në të 20-tat e hershme dhe të përfunduar, siç besohet, vetëm me vdekjen pas disa komplikacioneve në gjak në moshën 78-vjeçare, Richardson grumbulloi me qindra njerëz, që e përcollën me nderimet më të thella.

Kortezhi funebër, i udhëhequr nga një makinë epoke dhe ku ishte vendosur arkivoli i mbuluar me lule, u shoqërua nga makina të shumta të familjarëve dhe bashkëpunëtorëve të Richardson.

Njeriu që formoi një perandori kriminale në vitet 1950-60, nëpërmjet vendosjes së taksave “për mbrojtje” ndaj dyqaneve, basteve ilegale dhe zhvatjes, pavarësisht vdekjes, gjithsesi jeton në kujtesën kombëtare të Britanisë si një shembull i pavdekshëm i terrorit dhe krimit të organizuar.

I arrestuar në vitin 1966, në të njëjtën ditë kur Anglia fitoi Botërorin e saj të vetëm në finalen e famshme të “Wembley”-t, Richardson u dënua në fund të një procesi, në të cilën u tregua se si “lordi” i krimit torturonte kundërshtarët duke i shkulur thonjtë një nga një, duke i vendosur në kontakt me rrymën elektrike dhe duke i rrahur me hekur të nxehur.

I dënuar për 25 vjet, për zhvatje, dhunë dhe plagosje të rëndë, Richardson i shpëtoi dënimit të përjetshëm sepse asnjë vrasje e përfolur e tij nuk u dokumentua dhe jetoi si një qytetar i lirë vitet e fundit të jetës së tij.

Gjithmonë nën vëzhgimin e policisë, “bosi i mafias” nuk arriti të rikthehej në krye të perandorisë që ndihmoi të ngrihej, por i dha jetë krimit të organizuar në ishull, me familjen e tij që vazhdon të jetë një prej familjeve të pakta “të nderuara” (në zhargonin kriminal) në Britaninë e Madhe.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test