Flamuri shqiptar, për disa minuta në Kalanë e Samoilit

Dje rreth orës 13 e 40 minuta, një person i panjohur ka vënë flamurin shqiptar në një nga shtyllat e hekurta në Kalanë e Samoilit në Ohër dhe më pas është larguar nga vendi i ngjarjes.

Me të parë këtë, i punësuari 27-vjeçar, A. S., i angazhuar për shitjen e biletave për hyrje në këtë objekt monumental, ka lajmëruar policinë, ndërsa e ka hequr menjëherë flamurin shqiptar.

Ai i ka thënë Policisë se personi që ka vënë flamurin ka qenë i moshës rreth 20 vjeçe, i veshur në të zeza, me çizme të gjata e të zeza dhe flokë të shkurtra.

Policia ka marrë flamurin dhe ka lënë atë në Stacionin Policor në Ohër, ndërsa ka ndërmarrë masa për të zbardhur rastin.