Ministri i Shoqërisë për Informatikë dhe Administratë, Azir Aliu tha se ka institucione, për fat të keq, në të cilat numri i anëtarëve të Bordit Drejtues është më i madh se numri i të punësuarve dhe për këtë arsye tani po bëhet procesi i skanimit.
“Ky proces është afatgjatë. Është analizuar për një vit e gjysmë. Për disa institucione jemi drejt përfundimit, për disa jemi në fazën fillestare.
Sipas asaj analize funksionale, më pas krijohet një profil për çdo institucion dhe në nivel të asaj vertikale krijohet edhe numri i vendeve të punës, çfarë do të bëjnë etj.
Ajo pjesë përfshin patjetër riorganizimin e burimeve njerëzore. Disa nga masat, ndoshta, do të jenë jopopullore. Do të shohim pa cilin nga institucionet realisht mund të funksionojmë, cili nga institucionet do të duhet të shkrihet me një tjetër”, tha Aliu për “Telma”.
