Sot, Kryetari i Qeverisë së Republikës së Maqedonisë së Veriut, Talat Xhaferi, bashkë me Ministrin e Transportit dhe Lidhjeve, Blagoj Boçvarski, Zëvendësministrin e Transportit dhe Lidhjeve, Bekim Rexhepi dhe drejtorin e Administratës Publike të Rrugëve Shtetërore, Ejup Rustemi, kanë inspektuar ndërtimin e rrugës “Izvor” ura “Gar” në rajonin Mavrovë-Rekë.
Ky projekt rrugor i ri prej 18.8 kilometrash është në prag të përfundimit dhe për herë të parë do të lidh qytetet Dibër dhe Kërçovë.
“Kur e nisëm këtë rrugë të re nga Garski most deri në Izvor, një numër i madh i qytetarëve ishin skeptikë. Por ne i bindëm, rruga po ndërtohet, arritëm një progres rreth 75% dhe jam i bindur që me organizim të mirë do ta përfundojmë deri në fund të vitit. Kjo lidhje rrugore ka një domethënie të veçantë për banorët e Mavrovës, Dibrës, Qendër Zhupës, Kërçovës dhe vendbanimeve më të vogla rreth tyre. Për herë të parë po lidhim Dibrën me Kërçovën dhe ky është një përfitim i madh për të gjithë qytetarët, për zhvillimin e ekonomisë, për ruajtjen e marrëdhënieve të ngushta dhe komunikimit mes banorëve, dhe sigurisht kjo është një zonë e bukur në vend ku Me ndërtimin e kësaj rruge po krijojmë kushte për zhvillim dhe turizëm”, tha ministri Boçvarski.
Projekti i kësaj rruge ka për qëllim të krijojë një lidhje të rëndësishme për banorët e rajonit dhe të sjellë përfitime të mëdha për zhvillimin ekonomik dhe turizmin lokal.
Gjithashtu, në të njëjtin rajon, është përfunduar rehabilitimi i rrugës Mavrovi Anovi – Zhirovnicë me një investim prej mbi 6 milionë euro, duke e kthyer atë në një rrugë moderne dhe të sigurt.
Drejtori i Administratës Publike të Rrugëve Shtetërore, Eyup Rustemi, theksoi se ky është një nga projektet më të rëndësishme infrastrukturore në rajon dhe se punimet po zhvillohen me ritme të përshpejtuara.
