Qeveria në Maqedoni ka miratuar masën e kompensimit të dëmeve në rajonin e Shkupit, i cili u godit nga vërshimet javën e kaluar.
Zëvendëskryeministri njëherësh ministri i Shëndetësisë Nikolla Todorov premtoi se do ti kompensojë dëmet 100 për qind.
Sipas tij kjo është paketa e parë nga tetë të tilla që qeveria i miratoi në seancën e sotme.
Masat përfshijnë participim te të gjitha shërbimeve shëndetësore si lirimin nga pagesa e faturave të ujit dhe plehrave për tre muaj, ndihmë për sigurimin dhe gjërat e nevojshme për nxënësit, rritjen e ndihmave financiare për tre muajt e ardhshëm për rastet sociale, si dhe ndihma për personat me nevoja të veçanta.
