Kryetari i BDI-së, Ali Ahmeti njërin nga vëllezërit e tij qysh me përfundimin e luftës e ka punësuar në kuadër të punësimeve të Marrëveshjes së Ohrit. Fekriu, për të cilin nuk dihet se kur ka diplomuar dhe se a ka ndonjë shkollim sipëror, ishte punësuar nga konkurset që shpalleshin pas luftës nga sekretariati që udhëhiqej nga Musa Xhaferri, informon INA.
Por ai më pas ka kaluar si administratorë në komunën e Zajazit dhe tani ate të Kërçovës. Siç mëson INA nga burime pranë kësaj komune, vëllai i liderit të BDI-së kurrë nuk ka shkuar në zyrën e punës dhe nuk është parë ndonjëherë në vendin e punës. Edhe familjarë të tjerë të krerëve të BDI, përfshirë ata të Musa Xhaferrit janë punësuar nëpër institucione qeveritare apo edhe borde, duke përfituar rrogë, por duke mos shkuar në punë.