Lëvizja Besa në një komunikatë, ka reaguar ndaj kërcënimeve dhe shahtazheve ndaj intelektualëve shqiptarë, duke thënë se dënojnë ashpër çdo kërcënim ndaj zërit kritik.
“Rilindja me besë” dënon ashpër kërcënimet dhe presionet që janë duke u bere në këtë fushatë parazgjedhore në adresë të intelektualëve shqiptarë. Bashkimi Demokratik për Integrim, i përkrahur edhe nga struktura të caktuara të policisë ka shtuar presionet ndaj të gjithë intelektualëve të pavarur, që nuk bëjnë tjetër pos ngrenë zërin kundër padrejtësive dhe përbuzjes që iu bë shqiptarëve të Maqedonisë gjatë gjithë këtyre viteve”, shkruajnë mes tjerash nga Lëvizja Besa.
Ata rikujtojnë BDI-në, se është përgjegjëse për çdo kërcënim dhe shantazh, sikur është përgjegjëse për shumë raste tjera të montuara, viktimat e të cilave ishin shqiptarët.
