Lidhja Social-Demokrate dhe kabineti i kryetarit të shtetit, Gjorge Ivanov, janë përplasur ashpër në lidhje me veprimet e Ivanovit, të cilat nga LSDM-ja konsiderohen si shkelje kushtetuese.
LSDM-ja bazohet në akuzën e saj në veprimin e kryetarit të parë të vendit, Kiro Gligorov, i cili në vitin 1992 ia dha mandatin partisë së dytë fituese në zgjedhje, duke mos e kushtëzuar me 61 mandate qeveritare.
Ndërkaq, kabineti i kryetarit Ivanov thotë se LSDM-ja gënjen në lidhje me krahasimin që bën me kryetarin Kiro Gligorov dhe mënyrën se si ai e ka dhënë mandatin te fituesi i dytë i zgjedhjeve.
Njiherit, Kabineti thotë se kryetari Ivanov vepron sipas Kushtetutës dhe ligjeve të shtetit, si edhe në kuadër të kompetencave juridike dhe obligimeve që i ka.
