Një nismë e brendshme që angazhohet për modernizimin dhe demokratizimin e VMRO-DPMNE-së ka lëshuar një manifest përmes të cilit bëhet thirrje për modernizim dhe demokratizim të kësaj partie politike, shkruan portali sllavomaqedon a1on.mk.
Sipas tyre zgjidhja e problemeve është brenda për brenda kësaj partie dhe se stabilizimi i saj do të reflektohej në tërë vendin, që do të thotë se stabilizimi i VMRO-DPMNE-së do të kontribonte në stabilizimin e Maqedonisë.
Për këtë qëllim, nisma bën thirrje për:
1. Modernizim dhe demokratizim të strukturave dhe organeve të VMRO-DPMNE-së
2. Përmirësim të moralit dhe sjelljes etike përmes respektimit të vlerave themelore të VMRO-DPMNE-së
3. Dekriminalizim të shoqërisë
4. Zgjidhje të të gjitha çështjeve të hapura në shoqëri sipas parimit të të drejtave individuale dhe përgjegjësisë.
Thuhet mes të tjerave në manifestin e nismës së brendshme për modernizimin e partisë së Nikolla Gruevskit.