Zëdhënësi dhe anëtari i kryesisë së Bashkimit Demokratik për Integrim (BDI), Bujar Osmani duke komentuar mbi propozim ligjin për gjuhën shqipe ka lënë të kuptohet se qeverisë së re në Maqedoni nuk i nevojitet ndryshimi i kushtetuesë pasi që ligji në fjalë është në korniza të kushtetuës aktuale.
"Në lidhje me spekulimet mediatike dhe brifingjet se propozim ligji i jonë për gjuhën del jashtë kornizës së kushtetutës dua fillimisht t’i demantoj dhe të theksoj edhe njëherë se propozimi është krejtësisht në kuadër të kushtetutës aktuale dhe si i tillë është i panegociueshëm. Ai mund të plotësohet, por jo edhe të ngushtohet në asnjë shkronjë", ka shkruar Osmani në Facebook.
