Lideri i LSDM-së, Zoran Zaev, do të paraqitet përsëri në Prokurorinë themelore publike (PTHP) për lëndën e hapur nga kjo prokurori për keqpërdorime të mjeteve për financimin e fushatës zgjedhore.
Zaevi duhet që të shqyrtojë dëshmitë e lëndës. Ai dhe persona tjerë të partisë ngarkohen me akuzën e keqpërdorimit të mjeteve për financimin e fushatës zgjedhore.
Procedura parahetimore është bërë e ditur nga vetë PTHP-ja e cila bëri të ditur se, siç thonë, në vazhdimësi janë ndërmarrë veprime për verifikimin dhe mbledhjen e raporteve, të dhënave dhe dëshmive, ndërkaq janë marrë në pyetje mbi 70 dëshmitarë.
