LSDM-ja do ta dorëzojë brenda 10 ditësh në Kuvendin maqedonas programin dhe përbërjen e kabinetit qeveritar.
Nuk duam të presim 20 ditë, thanë zyrtarë të kësaj partie, duam që në ditët e para t’i përfundojmë këto punë dhe proceset të ecin përpara.
“Do të kemi bisedime dhe negociata serioze me partnerët e koalicionit, me qëllimin që të krijohet një qeveri funksionale në interes të qytetarëve. Boll e kanë pësuar prej veprimeve të VMRO DPMNE-së dhe Gjorgje Ivanovit”, shprehen të njëjtat burime.
Besohet se të paktën dy poste ministrore në kabinet i janë rezervuar Aleancës për Shqiptarët, por nuk dihet saktësisht se cilat do të jenë ato.
Njohësit e çështjeve juridike ndërkohë, thonë se pjesëmarrësit në aktet e dhunshme të 27 prillit duhet të nxirren përpara drejtësisë e jo të aministohen. Idenë e faljes së tyre e hodhi Ivanovi, i cili foli për pajtim mes aktorëve të skenës politike, por edhe pjesëmarrësve në dhunë. Në intervistën e dhënë për një media të afërt me VMRO-në, kreu i shtetit maqedonas u shpreh se shumica e re parlamentare duhet të ndjekë shembullin e vitit 2001.
