Pjesëtari i Njësitit për reagim të shpejtë ka marrë një letër kërcënuese me një plumb në të. Ngjarjen në orën 00:10 në Stacionin Policor në Strugë e ka paraqitur i punësuari në Njësitin për reagim të shpejtë pranë MPB-së.
“Gjatë mbrëmjes së kaluar në periudhën prej ora 21 deri 23 para shtëpisë së tij, një person i panjohur në veturën me markën “BMW”, në pronësi të nënës së policit, ka lënë një letër me mesazh kërcënues së bashku me një zarf me plumb me kalibër prej 9 milimetrave”, njoftojnë nga policia.
Gjithashtu, më 07.05.2017 në veturën e tij polici ka gjetur një letër me mesazh kërcënues, por këtë e ka paraqitur vetëm në vendin e tij të punës.
Nga policia thonë se po ndërmarrin masat për zbardhjen e rastit.
