Në një deklaratë për gazetën Lajm, kryetari i ish të përndjekurve dhe burgosurve politik, njëherit edhe profesor, Shpëtim Pollozhani, thotë se Bashkimi Demokratik për Integrim mundet t’i bëjë një të mirë UÇK-së, vetëm duke mos e keqpërdorur.
“Kaluan disa vite që BDI-ja jeton duke marrë kredi nga gjaku i dëshmorëve, mirëpo ka ardhur koha që të kthehet ajo kredi bashkë me kamatat e larta. BDI filloi ta kthejë atë kredi që nga zgjedhjet e kaluara parlamentare duke u përgjysmuar. Besoj se në zgjedhjet e ardhshme lokale do te bjerë në nivelin e PDSH-së, duke marrë vetëm dy komuna rurale”, deklaroi Pollozhani.
