Lidhja Demokratike e Maqedonisë (LDM) vlerëson se ndryshimet sistemore duhet patjetër të bëhen me analiza të thella, përvoja të krahasuara dhe përfshirjen e kapaciteteve profesionale dhe intelektuale, përfshi ekspertët e jashtëm.
Sipas tyre, Qeveria duhet të veprojë por jo shpejt e shpejt, pasi që ndryshimet duhet të kalojnë në filtrat e opinionit të gjërë demokratik dhe të ekspertëve.
Kjo parti konsideron se reformat në financa, janë një fillim i mbarë, por rezistenca më e madhe do të ndodhë kur të vijnë në radhë reformat në sistemin gjyqësor që sipas kësaj partie, është në kontrollë të përgjithshme të qeverisjes së kaluar.
LDM-ja deklaron se OBRM-PDUKM-ja e bllokon procesin e ndërrimit të kryeprokurorit, por më të forta do t’i ketë pengesat për ndryshime në sistemin gjyqësor.
