Qeveria e Maqedonisë në mesditë do ta mbajë seancën e 24-të në të cilën në pajtim me rendin e propozuar të ditës është Informacioni me planin e akcizës për projektin Kontrolli i institucioneve shëndetësore nga ana e Fondit për Sigurim Shëndetësor, që synon sigurimin e cilësisë së barabartë të shërbimit shëndetësor për çdo qytetar.
Nga sfera politike, Qeveria do ta shqyrtojë Propozim-ligjin për ndryshim dhe plotësim të Ligjit për punë të brendshme.
Në seancën e sotme pritet të shqyrtohet edhe Informacioni për vendosjen e programit për asistim personal të personave me aftësi të kufizuara.
"Rregullimi i këtij shërbimi për asistim personal promovon liri për personat me aftësi të kufizuara fizike në zbatimin e mënyrën e pavarur të jetesës. Asistentët personal duhet të ndihmojnë që të përparohet cilësia e jetesës së personave të cilët e shfrytëzojnë shërbimin", thuhet në kumtesën e Qeverisë.
Qeveria do të shqyrtojë edhe Informacionin për realizimin e projektit për formimin dhe mbështetjen e kooperativave bujqësore, me propozim të Ministrisë së Bujqësisë, Pylltarisë dhe Ekonomisë së Ujërave.
Anëtarët e Qeverisë do ta shqyrtojnë edhe Informacionin për nevojën nga përgatitja e Strategjisë nacionale për bashkëpunim me diasporën për periudhën nga viti 2018 deri në vitin 2023, si dhe Informacionin për nevojën nga ratifikimi i Konventës së Këshillit të Evropës për parandalim dhe luftë kundër dhunës ndaj grave dhe dhunës familjare nga viti 2011 (Konventa e Stambollit).
Në rend dite të seancës do të jenë edhe pika tjera të cilat, siç theksohet, janë në interes të qytetarëve të Republikës së Maqedonisë.
