Bashkimi i shqiptarëve të Ohrit në koalicionin ‘Bashkë për Ohrin’ është shpërblyer me zgjedhjen e dy kandidatëve shqiptarë në Kuvendin komunal të këtij qyteti.
Bëhet e ditur se kjo është hera e parë që shqiptarët e Ohrit përfaqësohen nga dy këshilltarë në këshillin komunal të qytetit, për dallim prej zgjedhjeve të kaluara ku kishin pasur vetëm një përfaqësues, raporton Konica.al.
Nefi Useini nga radhët e BDI-së dhe Xhemal Mena nga Lëvizja Besa do të jenë dy përfaqësuesit politikë që do t’i përfaqësojnë nevojat e komunitetit shqiptar të Ohrit.
Sipas regjistrimit të vitit 2002, në qytetin e Ohrit jetojnë 2962 shqiptarë ose 5.3 për qind e popullatës së përgjithshme të komunës.