“Bisedimet për zgjedhjen e ministrit të ri në shëndetësi janë në rrjedhë me partnerët e koalicionit. Në opsion ka disa emra, ndërsa rikonstruim në qeveri do të ketnë nëse zgjedhet kandidat që nuk është nga radhët e Aleancës për Shqiptarët”, tha sot kryeministri Zoran Zaev.
Ai tha se akoma nuk kanë vendosur, ndërsa shpresoi se deri në fund të kësaj jave do të mësohet se kush do të jetë ministër i Shëndetësisë.
“Gjitha mundësitë janë të hapura, për momentin as unë nuk e di se kush do të jetë dhe nga cila parti”, tha Zaev, në pyetjet e gazetarëve pas dhurimit të donacioneve në Klinikën për Gjinekologji.
Ai informoi se ka marrë propozim nga Aleanca për Shqiptarët për vendet e zbrazëta, por ka edhe emra tjerë dhe shtoi se do të shikohen të gjithë në mënyrë që të sillet vendimi më i mirë.
