Sot u zhvilluan seancat e para të këshillave komunal në Tetovë dhe Tearc. Pas verifikimit të mandatave nga këshilltarët, duhej që të zgjidheshin edhe kryesuesit e këshillave komunal. Por si duket BDI dhe PDSH nuk kanë arritur marëveshjen për të bashkëqeverisur në këto dy komuna dhe zgjedhja e kryesuesit të këshillit është anuluar për një datë tjetër.
Burime të portalit “tetova1.com” bëjnë të ditur se kërkesat e PDSH-së kanë qenë jo vetëm bashkëpunimi në kuadër të komunave dhe ndarja e posteve në nivel lokal por edhe intervenimi i Ali Ahmetit deri tek Zoran Zaevi që PDSH ti bashkëngjitet qeverisë.
Përndryshe në të dy këto komuna, votat e PDSH-së në rrethin e dytë ishin vendimtare në zgjedhjen e Teuta Arifit dhe Isen Asanit si kryetar komune.