Zëvendëskryeministri për çështje evropiane, Bujar Osmani në emisionin ‘Top Tema’ deklaroi se kryetari i Komisionit Evropian, Jean-Claude Juncker vjen për vizitë në Maqedoni për të nxitur reformat në vend dhe për të vlerësuar zbatimin e deritanishëm të proceseve reformuese.
Osmani është i bindur se Maqedonia do të jetë pjesë e dokumentit strategjik të KE-së për zgjerimin e Bashkimit Evropian në Ballkanin Perëndimor, që javën e ardhshme duhet të publikohet në Bruksel. Parashikimet e Osmanit janë se Maqedonia në Samitin e NATO-s në qershor do të pranojë ftesë për anëtarësim, si dhe datë për fillimin e negociatave për anëtarësim në BE.
