Kryetari i Komisionit Evropian, Jean-Claude Juncker, pas kthimit nga turneu në Ballkanin Perëndimor për Euronews tha se BE-ja nuk bën presion mbi Maqedoninë dhe Greqinë për zgjidhjen e çështjes së emrit.
“Presioni nuk është mjet që duhet ta përdorim. Inkurajojmë Greqinë dhe Ish-Republikën Jugosllave të Maqedonisë, të gjejnë zgjidhje për çështjen e emrit. Ata janë të angazhuar në bisedime, ne nuk duhet të intervenojmë”, tha Juncker.
Ai refuzoi të përgjigjet nëse është bërë kërkesë nga pala greke, që Maqedonia ta ndryshojë Kushtetutën.